موٹاپے کاادویاتی علاج

موٹاپے کا ادویا تی علاج

                                                                                                            موٹاپے کو بجا طورپر غارتِ حسن کہا جاتاہے۔ آپ کے نقوش ،قداوررنگت خواہ کتنی ہی پرکشش کیوں نہ ہو، لیکن آپ کا جسم پھولا ہوا اور غیر متناسب ہے تو آپ کی شخصیت سے ساری جاذبیت نکل جائے گی۔ انسانوں کے اس ظاہر پرست معاشرے میں یہ صورتحال نفسیاتی لحاظ سے کتنی اذیت ناک ہوسکتی ہے ، اس کا اندازہ لگانا مشکل نہیں۔صرف ظاہری حسن  کا مسئلہ ہی نہیں، موٹاپا صحت کیلئے بھی بڑے سنگین مسائل پیدا کرسکتاہے۔ موٹے افراد دوسروں کی بہ نسبت امراضِ قلب، بلڈپریشر،جوڑوں کے درد اور گردوں کے مسائل میں  زیادہ مبتلا ہوتے ہیں۔

                                                                                                                                     موٹاپا اس وقت چڑھتاہے جب جلد کے نیچے اور عضلات میں چربی(کولیسڑول) بڑھ جاتی ہے۔ پیٹ، سرین اورپشت وغیرہ خاص طورپر پھول جاتے ہیں۔چکنائی والی غذاؤں کے زیادہ استعما ل اورورزش نہ کرنے سے جسم کاوزن بڑھ جاتاہے۔بعض خاندانو ں میں یہ مسئلہ موروثی بھی ہوتاہے۔ذیل میں مٹاپے سے نجات کیلئے ایک تیر بہدف اوربے ضرر نسخہ دیا جارہا ہے جس کے مستقل مزاجی سے استعمال اور پرہیز و ورزش سے تین چار ماہ میں انتہائی حوصلہ افزا نتائج ظاہر ہوتے ہیں:

نسخہ

صبح ، دوپہر اور شام(خالی پیٹ):

فائیٹو لاکابیری ٹیبلیٹس(Phytolacca Berry ) (شوابے ،جرمنی)

دو دو گولیاں زبان پر رکھ کرچوسیں۔

صبح دس بجے اور سہ پہر چاربجے: 

اینٹی فیٹ گولیاں (قرشی دواخانہ)  دو گولیاں عرقِ زیرہ  نصف کپ کے ساتھ

 دوپہر اوررات کے کھانےکے بعد:

جوارشِ کمونی دو چائے کے چمچے پانی کے ساتھ

                                                                                                                        گھی ،مکھن، بالائی ،گوشت ،انڈہ ،چاول اوردوسری نشاستہ دار غذاؤں سے پرہیز کریں۔ مٹھائیوں اوربیکری کی اشیاء کااستعمال بالکل ترک کردیں۔ بھوسی دار آٹے کی روٹی، مولی ،پالک،کریلا ، سرسوں کاساگ  اور دیگر سبزیاں زیادہ استعمال کریں۔ چہل قدمی اور ورزش کو اپنا معمول بنائیں۔ کاہلی اورسستی والا طرزِ زندگی تبدیل کریں۔ممکن ہو تو فاقہ کریں یا روزہ رکھ کر شام کو نمکین سکنجبین (بشرطیکہ بلڈپریشر نہ ہو) سے افطار کریں۔لیموں اور دیگر ترشادہ پھل خوب کھائیں۔

٭٭٭٭٭٭٭٭٭٭٭٭٭٭٭